Suarez-a dilna a hlawhtling lo

Barcelona striker Luis Suarez chuan Espanyol nen an inhmachhawn
ṭuma a chet dan mawi lo avanga Copa del Rey match hnih khel thei lo tura an hremna chu ngaihtuah nawn turin thlen mah se a dilna hi pawm sak a ni lo a, Spanish Cup-ah match hnih chhung chu a inlan thei dawn lo.

Kum 28-a upa Uru-guay inter-national hi Spanish Cup last-16 a Es-panyol 4-1 a an hneh ṭumin dressing room an panna lamah mawi lo taka an khingpui player-te ṭawng khumah puh a ni a, Copa del Rey match hnih chhung inlan thei lo tur hian an hrem ta a ni.

Catalan derby-a team pahnih inhmachhawn ṭum hian boruak a sang hle. Espanyol pla-yer Hernan Perez leh Pape Diop-te chu hnawhchhuah an ni a, Diop hi mawi lo taka Suarez a ṭawng khum vanga hnawh chhuah a ni nghe nghe.

Barcelona hian nizan khan Espanyol hi Copa del Rey last-16 second leg-ah an hmachhawn a, nizan inkhel bakah Suarez hian match khat dang a khel thei dawn lo tihna a ni.

La Liga-a pahnihna dinhmun luah mektu Barcelona hian Spain foot-ball federation hnen-ah an dilna hi hlawhtlinpui lo mah se an duh chuan Government Disciplinary Committee for Sports hnenah an la zualko leh thei ang.