Watford manager-in Adebayor a vau lawk

Spurs striker hlui Emma-nuel Adebayor chu amah lakluh tumtu Watford coach Quique Sanchez Flores chuan an club a zawm a nih pawhin hmun pawimawh chan in beisei nghal lo turin a hrilh.

Adebayor hi club nei loin a awm mek a, Watford nen hian sawizawm mek an ni. Flores chuan, "England-a club tam takin Adebayor lak luh an duh chhan hi ka hrethiam. Player quality sang tak, tawnhriat nei ngah leh goal khung thei tak a ni a, Premier League club zinga a khelh duhna a thlang thei pawh hi ka hrethiam a ni. Mahse, kan club-ah chuan Odion Ighalo leh Troy Deeney-te hi an inkawp fuh em em a, first eleven aṭanga anni lachhuak tur hi chuan a theih loh a ni," a ti.

Atletico Madrid ma-nager hlui chuan sawi chhunzawmin, "Kan hnena lokal tur player-te chuan he club-a an dinhmun tur hi an hrethiam tur a ni. Striker pahnih chhawr chungin khel ṭhin mah ila team aṭanga anni pahnih lakchhuah hi chu a harsa a ni. He club tan hian tuman awlsam takin an khel thei lo," tiin Watford tana khel tur chuan player tinin an theihtawp an chhuah a pawimawh thu a sawi.