Wenger-a'n Campbell a fak

Arsene Wenger chuan a player duhlai Joel Camp-bell chu Arsenal tana khel tura a ṭhat tawk tawh thu leh a hmasawn danin a tih lawm thu a sawi.

Costa Rica interna-tional Campbell hian kum 2011 khan Arsenal a zawm a, intuai hriam turin Lorient, Real Betis, Olympiakos leh Villarreal-ah te loan-a chhuah tir a ni.

French manager Wenger hian tun season-ah a forward hi a ring ngam tawh a, inelna hrang hrangah match 18 a khelh tir tawh. Heng a match khelh aṭang hian kum 23-a upa Campbell hian goal thum khungin a ṭhiante goal khung tur vawi hnih a siamsak tawh bawk.

Wenger chuan, "Cham-pions League-a Olympiakos nen kan inkhelh ṭuma a chet dan aṭang khan a theihna san zia chu a lang chiang tawk. Tunah chuan inkhel tak tak turin a inpeih tawh hle. A hmasawn dan hian min ti lawm a, hei aia ṭha hian a la khelh theih bakah hma a sawn zel theih ka beisei," tiin a sawi.