Coaching lamah Lippi a lo kir hnai

Kum 2006 World Cup-a Italy champion puitu coach Marcello Lippi chuan coaching lamah a lo kir leh mai theih thu a sawi a, Italian club ropui AC Milan nen sawizawm nghal an ni.

AC Milan hian Serie A table-ah pariatna dinhmun an luah mek a, manager Sinisa Mihajlovic dinhmun a derthawng tawh hle.

Kum 2014-a a club enkawl hnuhnung ber Chinese Super League Guangzhou Evergrande Taobao enkawltu Lippi chuan, "China-ah khan coach hna thawk tura ka lo kir tawh loh tur thu ka sawi a, mahse thla engemawzat hnuah khelmual chhunga ka hun hman kha ka ngai hle a ni tih ka hre chhuak a ni," a ti.

Juventus a enkawl laia league title panga baka Champions League nomawi vawi khat chawipuitu coach chuan, "Ka rilruah hian team enkawl chakna a la awm reng a, min sawmtu club an awm a nih chuan ka ngaihtuah ang," tiin coaching lamah a lo kir leh ngei dawn niin a lang.