FIFA-in an secretary general an ban

Khawvela football thuneitu sang ber FIFA chuan an secretary general Jerome Valcke chu dik lo taka sum hman chungchanga a hmingchhiat avangin a hna aṭangin an chawlh tir.

FIFA thuchhuak chuan, "Valcke thlaktu tur ruat a nih hma chu secretary general hnathawk turin Dr. Markus Kattner ruat a ni," tiin an puang.

Kum 55-a upa French pachal hi September 17 khan thu leh awm hma chu a hna aṭanga chawl lailawk tura hriattir a lo ni tawh a, October 8 khan ni 90 chhung atan hrem a nih thu puanchhuah a ni.

FIFA ethics commi-ttee chuan Valcke hi damchhunga foot-ball kaihhnawiha inhnam-hnawih thei lo tura hrem an duh thu an lo sawi tawh a, a hna aṭangin an ban ta nge nge a ni. Kum 2007 aṭanga FIFA secretary hnathawktu Valcke hi World Cup 2010 thleng tur thlan a nih dawn khan CONCACAF president Jack Warner hnenah vote lei nan thamna sum pound maktaduai 6.8 peah puh a ni a, an puhna hi Valcke hian a pha nasa hle.

Valcke hian kum 2003 khan director of marketing and TV angin FIFA a zawm a, sponsorship chung-changah a hmingchhiat avangin kum 2006 khan an ban. Kum 2007-ah Sepp Blatter-a'n secretary general turin a ruat leh a, ban a ni leh ta a ni.