Roma-in manager Rudi Garcia an ban

15th January, 2016

Italian club AS Roma chuan an manager Rudi Garcia chu a hna aṭangin an chawlhtir. Lille manager Garcia hian season hnih chhung chu a zawnin Roma hi Serie A-ah pahnihna a nihpui tawh a, kuminah erawh pangana dinhmun luah mekin hmahruaitu Napoli chu point sarihin an phak lo mek.

Roma hian November thlaa Genoa 2-0 a an hneh hnuin inelna hrang hrangah match sawm khel leh tawhin chakni hmel an la hmu lo a, Garcia hian ban a tawh phah ta a ni.

AS Roma president James Pallotta chuan, "Garcia-a'n Liverpool a enkawl chhung khan hun duhawm tak kan hmang a, mahse tun hi club hmasawn zel nana in-thlak danglam hun diktak niin kan hre si a ni," tiin an manager ban chhan a sawi.