Vanglaini Biangbiakna Aizawl FC lamah goal khung ka tum ang - Eugeneson

Indian club zinga kalphung mumal ber anga an sawi Bengaluru FC leh Aizawl FC-te Inrinniah an inhmachhawn dawn a, Bengaluru midfielder Eugeneson Lyngdoh chuan Mizo club lamah goal khung ngei a tum thu Vanglaini palai a hrilh.

Kum 29-a upa midfielder hian season hmasa khan Indian football-a mimal chawimawina dawn theih ang chu a hui kim deuh vek a, Indian Super League-ah Sunil Chhetri chiah tluk loin Indian player zinga manto ber dawttu a ni.

AIFF Player of the year 2015 atana thlan Eugeneson chuan, "Aizawl FC hian I League match hmasa berah khan defending lamah an tisual nasa em em a, kha kha an tuar a ni. Inrinnia kan inhmachhawn hunah an tihsual chhawr
ṭangkai a goal khung ngei ka duh a, ka tum dawn a ni," tiin Rajiv Gandhi Stadium-a an inkhelh hunah tih mai mai a tum lo.

ISL khelh zawh taka Pune City-in vaibel­chhe 1.05-a an lei Khasi tlangval Eugeneson chuan sawi chhunzawmin, "Season hmasa I League-ah Royal Wahingdoh kan hmu tawh a, rinkai nisi loin ropui takin an khel thei. Aizawl FC hi mipui rin hlawh lo ber pawl an ni a, mah se an khelh dan enin I League barakhaih turin an ṭha tawk a ni. Keini pawn kan ti mai mai lo ang," tiin Mizo mipuite tan inkhel hmuhnawm chhawp chhuah sak an tum thu a sawi.

Bengaluru lo chu

Kum 2014-15 season hman zawh taka Bengaluru FC Fan's Player of the Year leh Bengaluru FC Player's Player of the Year chawimawina dawngtu Eugeneson chuan a club khelhna Bengaluru FC a fak hle a, India rama football club kalphung mumal ber an nih thu a sawi.

Shillong tlangval Eugeneson chuan, "India ramah chuan kan club hi kalphung mumal ber kan ni a, ISL lama ka khelhna Pune City-te nen chuan khaikhin chi an­ni pawhin ka hre lo. Bengaluru hi chuan Europe-a football club ṭha tak takte kal­phung kan entawn a, coaching staff, club administration leh player enkawl dan chung­chang thlengin Bengaluru FC aia ṭha an awm lo," tiin a club khelhna chu a chhuang hle.

League pakhat a tawk

Tun hnaiah Indian football kalphung a buai a, tun season-ah I League club pathum Royal Wahingdoh, Bharat FC leh Pune FC-te an inhnukdawk.

India ramin league pahnih a nei a, FIFA pawmpui I League aiin phuahchawp tournament ISL-in ngaihven a hlawh zawk a, sum a tam zawk bawk. ISL-in ngaihven a hlawh miau avangin AIFF hruaituten ISL leh I League inzawm chungchang an sawi a, hei hi club pathumte I League club aṭanga inhnuhdawh chhan niin a lang.

Football Player Association of India (FPAI) Player of the Year Eugeneson chuan, "Kalphung pangngai taka kal kan duh a, footballer-te hmakhua kan ngai a nih chuan I League hi kalphung dik zawk chu a ni. Season khatah player-in league pahnihah club pahnih tan kan khel a, boruak a hrang a, kalphung a hrang a, hun a chep bawk si avangin insiamremna hun a awm lo," tiin league pahnih neih chu ṭha a ti lo hle.

Shillong club lar Rangdajied United neitu fapa Eugeneson chuan, "Sumdawnna
aṭanga thlir chuan ISL hi a hlawhtling zawk ngei a, mah se football kalphung dik tak thlir chuan I League hi a ṭha zawk a ni," a ti.

North East lam hawiin

Kum 29-a upa midfielder chuan, "Tun hnaiah Indian national team-ah North East lam chhuak player hmuh tur an awm nual a, talent ṭha tak Lallianzuala Chhangte a awm leh tawh bawk avangin ka lawm hle. North East player tam zawk hmuh zel ka inbeisei a ni," tiin North East-ah talent ṭha tak tak an tam thu a sawi.

Shillong Lajong midfielder hlui chuan, "I League club zawng zawng deuhthawah Mizo player an awm tawh a, North East-ah rau rau pawh Mizoramin talent an nei ṭha lehzual a ni," tiin Mizo player-te a fak hle.

Bengaluru FC-ah Mizo player panga an awm a, midfielder pahnih Beikhokhei Beingaichho leh Malsawmzuala, striker Daniel Lalhlimpuia, goalkeeper Lalthuammawia Ralte leh defender Lalchhuanmawia-te'n Bangalore club tan hian an khel.

Kum 2015 I-League Midfielder of the year Eugeneson chuan a Mizo teammate-te chungchang sawiin, "Player ṭha tak vek an ni a, talent an nei ṭha hlawm em em. Beia, Chhuantea leh Mawia-te'n an lo khelh tawh angin kan player thar Daniel leh Malsawmzuala-te hian ṭha takin an khelh theih ka ring a ni," tiin Mizo player-ah beiseina a nei sang hle.

Jeje-a khelhpui châk

India tana vawi 12 inlan tawh Eugeneson chuan, "Bengaluru FC-a ka khelhpui ni lo Indian striker zingah Jeje Lalpekhlua ka chawm chak ber," tiin 2014-15 season I League best midfielder chuan Hnahthial tlangval chu a dah sang hle.

Jeje-a nena India tana kheldun ṭhin midfielder chuan, "Jeje-a hi ball han pek vel a nuam a, a chak ṭhat bakah team tan a khel a, khelpui a nuam em em a ni," tiin Mohun Bagan striker a fak.

Beisei phak bak

India rama football thuneitu sang ber AIFF-in kum 2015 chhunga Indian player ṭha berah Eugeneson a thlang a, Khasi tlangval hian a chawimawina dawn chu a beisei ngam ngai loh a nih thu a sawi.

Shillong tlangval chuan, "Football ka khelh ṭan tirh aṭang khan AIFF Player of the year nih hi ka ngaihtuah phak ngai lo a, ka suangtuah ngam ngai lo. A ropui zia hi han sawi vak ngaihna pawh ka hre lo a, Pathianin thil ropui tak min tihsak a ni," tiin a inngaitlawm thiam hle.

Indian club zinga kalphung mumal ber anga an sawi Bengaluru FC leh Aizawl FC-te Inrinniah an inhmachhawn dawn a, Bengaluru midfielder Eugeneson Lyngdoh chuan Mizo club lamah goal khung ngei a tum thu Vanglaini palai a hrilh.

Kum 29-a upa midfielder hian season hmasa khan Indian football-a mimal chawimawina dawn theih ang chu a hui kim deuh vek a, Indian Super League-ah Sunil Chhetri chiah tluk loin Indian player zinga manto ber dawttu a ni.

AIFF Player of the year 2015 atana thlan Eugeneson chuan, "Aizawl FC hian I League match hmasa berah khan defending lamah an tisual nasa em em a, kha kha an tuar a ni. Inrinnia kan inhmachhawn hunah an tihsual chhawr
ṭangkai a goal khung ngei ka duh a, ka tum dawn a ni," tiin Rajiv Gandhi Stadium-a an inkhelh hunah tih mai mai a tum lo.

ISL khelh zawh taka Pune City-in vaibel­chhe 1.05-a an lei Khasi tlangval Eugeneson chuan sawi chhunzawmin, "Season hmasa I League-ah Royal Wahingdoh kan hmu tawh a, rinkai nisi loin ropui takin an khel thei. Aizawl FC hi mipui rin hlawh lo ber pawl an ni a, mah se an khelh dan enin I League barakhaih turin an ṭha tawk a ni. Keini pawn kan ti mai mai lo ang," tiin Mizo mipuite tan inkhel hmuhnawm chhawp chhuah sak an tum thu a sawi.

Bengaluru lo chu

Kum 2014-15 season hman zawh taka Bengaluru FC Fan's Player of the Year leh Bengaluru FC Player's Player of the Year chawimawina dawngtu Eugeneson chuan a club khelhna Bengaluru FC a fak hle a, India rama football club kalphung mumal ber an nih thu a sawi.

Shillong tlangval Eugeneson chuan, "India ramah chuan kan club hi kalphung mumal ber kan ni a, ISL lama ka khelhna Pune City-te nen chuan khaikhin chi an­ni pawhin ka hre lo. Bengaluru hi chuan Europe-a football club ṭha tak takte kal­phung kan entawn a, coaching staff, club administration leh player enkawl dan chung­chang thlengin Bengaluru FC aia ṭha an awm lo," tiin a club khelhna chu a chhuang hle.

League pakhat a tawk

Tun hnaiah Indian football kalphung a buai a, tun season-ah I League club pathum Royal Wahingdoh, Bharat FC leh Pune FC-te an inhnukdawk.

India ramin league pahnih a nei a, FIFA pawmpui I League aiin phuahchawp tournament ISL-in ngaihven a hlawh zawk a, sum a tam zawk bawk. ISL-in ngaihven a hlawh miau avangin AIFF hruaituten ISL leh I League inzawm chungchang an sawi a, hei hi club pathumte I League club aṭanga inhnuhdawh chhan niin a lang.

Football Player Association of India (FPAI) Player of the Year Eugeneson chuan, "Kalphung pangngai taka kal kan duh a, footballer-te hmakhua kan ngai a nih chuan I League hi kalphung dik zawk chu a ni. Season khatah player-in league pahnihah club pahnih tan kan khel a, boruak a hrang a, kalphung a hrang a, hun a chep bawk si avangin insiamremna hun a awm lo," tiin league pahnih neih chu ṭha a ti lo hle.

Shillong club lar Rangdajied United neitu fapa Eugeneson chuan, "Sumdawnna
aṭanga thlir chuan ISL hi a hlawhtling zawk ngei a, mah se football kalphung dik tak thlir chuan I League hi a ṭha zawk a ni," a ti.

North East lam hawiin

Kum 29-a upa midfielder chuan, "Tun hnaiah Indian national team-ah North East lam chhuak player hmuh tur an awm nual a, talent ṭha tak Lallianzuala Chhangte a awm leh tawh bawk avangin ka lawm hle. North East player tam zawk hmuh zel ka inbeisei a ni," tiin North East-ah talent ṭha tak tak an tam thu a sawi.

Shillong Lajong midfielder hlui chuan, "I League club zawng zawng deuhthawah Mizo player an awm tawh a, North East-ah rau rau pawh Mizoramin talent an nei ṭha lehzual a ni," tiin Mizo player-te a fak hle.

Bengaluru FC-ah Mizo player panga an awm a, midfielder pahnih Beikhokhei Beingaichho leh Malsawmzuala, striker Daniel Lalhlimpuia, goalkeeper Lalthuammawia Ralte leh defender Lalchhuanmawia-te'n Bangalore club tan hian an khel.

Kum 2015 I-League Midfielder of the year Eugeneson chuan a Mizo teammate-te chungchang sawiin, "Player ṭha tak vek an ni a, talent an nei ṭha hlawm em em. Beia, Chhuantea leh Mawia-te'n an lo khelh tawh angin kan player thar Daniel leh Malsawmzuala-te hian ṭha takin an khelh theih ka ring a ni," tiin Mizo player-ah beiseina a nei sang hle.

Jeje-a khelhpui châk

India tana vawi 12 inlan tawh Eugeneson chuan, "Bengaluru FC-a ka khelhpui ni lo Indian striker zingah Jeje Lalpekhlua ka chawm chak ber," tiin 2014-15 season I League best midfielder chuan Hnahthial tlangval chu a dah sang hle.

Jeje-a nena India tana kheldun ṭhin midfielder chuan, "Jeje-a hi ball han pek vel a nuam a, a chak ṭhat bakah team tan a khel a, khelpui a nuam em em a ni," tiin Mohun Bagan striker a fak.

Beisei phak bak

India rama football thuneitu sang ber AIFF-in kum 2015 chhunga Indian player ṭha berah Eugeneson a thlang a, Khasi tlangval hian a chawimawina dawn chu a beisei ngam ngai loh a nih thu a sawi.

Shillong tlangval chuan, "Football ka khelh ṭan tirh aṭang khan AIFF Player of the year nih hi ka ngaihtuah phak ngai lo a, ka suangtuah ngam ngai lo. A ropui zia hi han sawi vak ngaihna pawh ka hre lo a, Pathianin thil ropui tak min tihsak a ni," tiin a inngaitlawm thiam hle.