Copa del Rey Barca-in quarterfinal an lut

Nilaini zan khan Catalan derby khelh a ni a, Barcelona chuan Copa del Rey last-16 second leg-ah Espanyol chu 2-0 a hnehin quarterfinal an lut a, he inkhela goal pahnih hi Barca rawlthar duhawm Munir El Haddadi thun a ni.

Barcelona hian last-16 in-khel hmasa zawkah Espanyol hi 4-1 in an lo sawp tawh a, inkhel pahnih belhkhawmah 6-1 in an chungnung zawk. Barca tan hrem vangin Luis Suarez inlan lo mah se ani aia lut El Haddadi-a'n a hna a tlin hle.

Kum 20 leka upa El Had-dadi hian minute 32 leh 88-naah Barcelona goal hi a khung a, Catalan club tan goal nga a khungna chiah a ni.

Spanish Cup champion lai Barcelona hian an player pawimawh Neymar, Andres Iniesta, Sergio Busquets leh Gerard Pique-te chu an chawlh hahdamtir vek a, Lionel Messi erawh khelmual chhungah hun pumin a inlan thung.

Enrique thukhawchang

Barcelona manager Luis Enrique chuan, "Munir khan a khel ṭha takzet a ni. Player naupang tak quality sang tak a ni a, goal hnih a khung avangin ka lawmpui takzet a ni," tiin Barca tana goal hnih khungtu Spanish rawlthar chu a fak.

World coach of the year 2015 chawimawina dawngtu Enrique chuan, "Inkhel bul kan ṭan ṭha lo hle a, mahse minute 15 hnuah chuan a game pumpui kha kan ta a ni. Kan bul ṭan ṭhat loh vangin talbuai ṭep mah ila kan khelh danah ka lawm a ni," a ti.

Enrique chuan player ṭha
ṭhenkhat a chawlhtir laia Messi a chhawr chhan sawiin, "Leo khan a khel ṭha hle a ni. A hliam vangin rei tak a chawl tawh a, chawlh a mamawh rih lo. Ani ang player hi chu an khelh tam poh leh an ṭha tawlh tawlh mai a ni," tiin a player rinrawl chu a chhuang hle.