PBL chung berah Delhi Acers

2016 Premier Badminton League chu Nilaini zan khan Kanteerava Stadium, Bengaluru-ah khelh zawh a ni ta. Delhi Acers chuan Mumbai Rockets lakah 5-0 a hnehna changin table-ah hmahruaitu an ni a, semifinal an lut. Inkhel dangah Chennai Smashers chuan 4-1 a Bengaluru Topguns hnehin semifinal an lut ve bawk.

PBL-ah hian team paruk awmin an vai hian league round-ah an inkhel kual vek a, a tawpah a sang paliin semifinal an lut. Point 20 hmutu Delhi Acers chu hmahruaitu niin an hnuaiah hian Awadhe Warriors (17), Chennai Smashers (17) leh Mumbai Rockets (13) te an awm. Hyderabad Hunters leh Bengaluru Topguns ten round sang zawk an lut phak lo.

Semifinal hi January 14 leh 15 khian khelh tur a ni a, inkhel hmasa zawkah Delhi Acers leh Chennai Smashers te an inkhel ang a, a hnuhnung zawkah Awadhe Warriors leh Mumbai Rockets te an inhmachhawn thung ang. Final hi January 17-ah Delhi-ah khelh tur a ni dawn bawk.