Sania leh Hingis ten record siam

Sania Mirza leh Martina Hingis te ṭang-dun chuan world record thar an siam. Indo-Swiss pair hian nimin khan Raluca Olaru leh Yaroslava Shve-dova te ṭangdun hnehin WTA Sydney International semifinal an paltlang.

Mirza leh Hingis te hian hmeichhe double-ah a zawnin match 29 chhung hnehna an chang a, he hi record thar a ni. Puerto Rican Gigi Fernandez leh Natasha Zvereva te ṭangdunin a zawna match 28 chhung hneh loh nei loa an kaltluang record kum 22 chhung ngawt ding tawh chu an khum ta a ni.

Double world number 1 Mirza te hian final lut tur hian darkar khat leh minute 31 chhungin 4-6, 6-3, 10-8 in hnehna an chang.

India chhuanvawr Mirza leh Swiss chuai-thei lo Hingis te ṭang dun hian nikum khan WTA title pakua an chawi thei a, heng zingah hian Wimbledon leh US Open pawh a tel. Kar hmasa khan Brisbane International title an chawi leh tawh a, tun
ṭum-ah hian an champion leh thei a nih chuan an title 11-na tur a ni ang.