Andy Carroll a chawl rei dawn

West Ham striker Andy Carroll-a tan chanchin lawmawm a awm hleithei lo a, thla sarih zet hliam vanga a chawlh hnuah lo kir leh chauh mah se English striker hi hliam vang bawkin kar ruk vel tal a chawlh a ngai dawn.

Kum 27-a upa striker hi February 2015-a a khup hliam avangin thla sarih chhung inkhel thei loin a chawl a, Sep-tember-ah lo kir lehin Ham-mers tan match liah goal hnih a khung. Mahse, Thawhlehni zana Bournemouth an hnehna inkhelah English striker hi hliam vangin minute 15-naah lak chhuah a ni a, kar ruk tal chawlh a ngaih tur thu puan a ni leh ta a ni.

Hammers boss Slaven Bilic chuan, "Andy hi a eng lam thlir ṭhin mi pla-yer a ni a, mah se tun ṭum chu chhan hrang hrang vangin a rilru a buai hle. Tun hnaiah a dam ṭha leh tawh hle nia inngaiin inkhelh nuam a ti em em a, a inhliam hi a pawi takzet. Mahse, khawvel tawpna a la ni lo a, ruahman anga engkim a kaltluan chuan a lo kir leh thuai ang. Lung-ngaih lutuk tur a ni lo," tiin a striker chu a hnem.

Bilic chuan sawi chhun-zawmin, "Andy hian season tawp lam match 10 aṭanga 15 vel thleng chu a khel thei dawn tho a, team-a danglamna thlen turin heng match-te hi a tam tawk a ni," tiin English striker chu an la ṭangkaipui theih thu a sawi.

West Ham hian zanin dar 8:30-ah Newcastle United chu khualmualah an lenchilh dawn a ni.