Hmasawnna a zuang - Allegri

Juventus manager Mas-similiano Allegri chuan tun hnaia an team hmasawn dawn chu awihawm loh zawk hial khawpa mak a nih thu a sawi.

Serie A champion lai Juve hian season ṭan fuh lo mah se tun hnaiah a zawnin league match kaw chhung hnehna an chang tawh a, hmahruaitu Napoli chu point hnih chiahin an phak lo tawh.

Kum 48-a upa Allegri chuan, "Title chuha inelna hi a hautak dawn hle. Tunah hian kan club hian kawng dik kan zawh mek a, kan hmasawn dan hi a zuanin a zuang a ni ber awm e. Kan tum ber pakhat chu Serie A title lak a ni," a ti.

Juve hi Pathianni zan dar 7:30 hian Udinese khel-mualah an leng lut ang.