Everton-in defender thar an nei dawn

Leeds United chuan an defender Sam Byram lakluh tuma Premier League club Everton-in an dawrna chu an pawm a, English defender manah hian Merseyside club hian pound maktaduai 4 an thehchhuak dawn a ni.

Kum 22-a upa right back hian Elland Road-ah season tawp thleng cham turin contract a nei a, Leeds lamin contract thar ziak tura an dawrna a hnawl avangin club tan hralh mai hi a finthlak zawk niin a lang.

Leeds United Aca-demy chhuak Byram hian Championship club tan hian match 143 khel tawhin goal sawm a khung a, tun season-ah inelna hrang hrangah match 24 khel tawhin goal thum a khung tawh thung. Leeds hian Championship table lamah 14-na dinhmun an luah mek.