A hmalam hunah Mihajlovic a buai lo

16th January, 2016

Result ṭhat tawk loh vanga dinhmun nghet lo anga an sawi AC Milan manager Si-nisa Mihajlovic chuan Italian club-a a dinhmun chungchangah a lung-ngaih loh thu a sawi.

Milan hian Nilaini zan khan Coppa Italia-ah Carpi chu Carlos Bacca leh M'Baye Niang goal khung hmangin 2-1 in an hneh a, semifinal an lut.

Serbian manager chuan, "Milan ka pan tirh khan thla thum chhung vel chu ka chungchang thuah hian thuthang a awm dawn tih ka hre lawk a, season tawp thleng pawhin a ni hial mai thei. Mahse heng thu leng vel mai mai hian minti buai ve lo a, rim taka thawkin ka theihna zawng zawng he club tan hian ka chhuah chhunzawm reng a ni," a ti.

Milan hian tun hnai thla hnih chhungin league match-ah vawi hnih chiah chak hmel an hmu a, beiseina sang tak nena season bul ṭan chung siin Serie A-ah pariatna dinhmun an luah mek. Mihajlovic hote hian Pathianni zanah Fiorentina an mikhual ang.