Maria Sharapova a dam

Hmeichhe tennis world number 5 Maria Sharapova chuan karleh Thawh-
ṭanni aṭanga khelh ṭan tur Australian Open atan a inpeih tawh thu a sawi.

Russian Sharapova hi a ban na vangin kar hmasa a khelh zawh tak Brisbane International
aṭang pawh khan a lo inhnuk dawk tawh. Kum 28-a upa Sharapova hi hliam-in a ti buai ve hle a, nikuma Grand Slam hnu-hnung ber US Open-ah pawh khan inhliam vangin a inlan lo.

Sharapova hian kum 2008 khan Australian Open-ah hian hlawhtlinna a lo chang tawh a, nikum khan final a lut leh mah se Serena Williams lakah a vanduai thung.

World number 1 hlui Sharapova chuan, "Hliam hi chu infiamnain a ken tel a nih avangin lungngaia indawm kun reng tur a ni lo. Tun hnai ni thum chhungin hma ka sawn hle a, tournament hmachhawn turin ka inpeih tawh," a ti.