Roma coach thar chu a hlui

AS Roma-in an coach Rudi Garcia an ban hnu lawkah coach thar Luciano Spalletti an nei nghal a, Spalletti hi kum 2005-09 chhunga Roma manager lo ni tawh a ni.

Kum 56-a upa Spal-letti hian Roma-a a cham chhungin Coppa Italia nomawi ṭum hnih a chawi hman a, Italian club-a a manager hna hi bansanin Russian club Zenit St Petersburg a zawm.

Zenit-a a cham chhung-in league title pahnih bakah Russian Cup nomawi vawi khat a chawipui a, kum 2014-ah ban niin a club hlui lamah a kir leh dawn ta a ni.

Tun hnaiah AS Roma-in Serie A lamah beisei an phak lo a, table-ah pangana dinhmun luah mekin an coach Garcia-a'n ban a tawh phah. Roma hian Champions League last 16-ah Real Madrid an hmachhawn dawn bawk a, Spalletti hna hi a awlsam dawn lo.