Germany coach tur Nagelsmann

German DFB chuan Julian Nagelsmann nen inremna an nei hnai a, German manager hian Bayern Munich-ah contract a la neih mek avangin Germany national team a enkawl a nih chuan a hlawh a tihhniam a ṭul dawn.

Bayern hian Nagelsmann-a'n an ram team enkawl a duh a nih chuan harsatna siam an tum lo a, pawisa an phut dawn lo. Nagelsmann hian European football-ah tawnhriat ṭha tak a nei tawh chungin kum 36 mi lek a ni a, Bayern a enkawl hma hian RB Leipzig leh Hoffenheim te a enkawl tawh a ni.

Germany hian World Cup hnuhnung pahnihah group stage an paltlang thei lo a, Euro 2024 an thlen dawn avangin result ṭha an duh lehzual. Tun September international break-ah khan Japan an hneh loh avangin Hansi Flick an ban a, Rudi Voller-a hoin France 2-1 in an hneh. Voller erawh coach lailawk chauh a ni a, Nagelsmann hi Flick-a thlaktu tura ngaih chu a ni.