ISSF judge B atan Mizo nula

International Shooting Sports Federation hnuaia B Judges Course neih zawh takah - Mizo nula Lallawmzuali Zadeng, Venglui chu rifle leh pistol huangah a tling kawp a, exam paltlang zinga hmeichhe awmchhun a ni.

September 14-18 chhung khan ISSF judge B course hi neih niin, course an kal zawh hnuin an exam zui leh

nghal a ni. Mizo zingah chuan hetiang dinhmun thleng thei hmasa ber a ni nghal bawk.

Lallawmzuali hian National Rifle Association of India hnuaiah National Judge course a lo zo tawh a, national mai bakah tunah chuan international thlengin a tling ta tihna a ni a, khawvel huap inelna hrang hrangah judge a ni thei tawh ang.

Mizoram Rifle Association hnuaiah Lallawmzuali hi shooter senior berte zinga mi niin, Mizoram tan vawi tam tak medal a lo hawn tawh. India aiawhin Germany leh Czech Republic-ah te pawh a inlan tawh a, Mizo zinga International shooter awm chhun a ni bawk.