City an chak chiang; Leicester an chelh ding
Inrinni zan Premier League inkhelah Manchester City chuan 4-0 in Crystal Palace an sawp a, table chung lam an hnaih zel. City tan Sergio Aguero a ropui a, Argentine striker hian goal hnih a khung bakah a ṭhiante thun tur vawi khat a siamsak.
Manchester City tan Aguero bakah Fabian Delph leh David Silva-te chuan goal khat ve ve an khung bawk a, mikhual team Palace-in goal khungna hun ṭha nei ve mah se an chhawr ṭangkai thei lo.
Palace defender Damien Delaney chuan inkhel ṭan
aṭanga minute hnihna lekah goal khungna hun ṭha nei mah se City keeper Joe Hart tan hna hautak a siamsak lo a, Yohan Cabaye-a'n a hun ṭha neih a khawhral bawk.
Goal manto chu
Manuel Pellegrini-a enkawl City hian Palace an hmachhawn hma league match hnuhnung berah Everton lakah goal a khung thei lo a, a league match hnuhnung pangaa goal khat chiah khung Aguero chet ṭhat loh lai a ni bawk nen Palace laka City dinhmun tur sawithiam a harsa hle.
Mahse, inkhel ṭan tir aṭangin goal hnih khungtu Aguero a hmuhnawm a, a goal hnihna khung tura David Silva, Yaya Toure leh Kevin de Bruyne-te nena an ball inpe kual a hmuhnawm hle.
Aguero goal hnihnaa player inrawlh player pali man belhkhawm hi pound maktaduai 141 a ni a, an goal thumna hi a pawisa ang zawnga chhut chuan a man a tam hle!
Argentine striker Aguero chet ṭhat piah lamah City tana lawmna tur chu inhliam dam kawr David Silva-a'n ngai a awh leh ta bawk hi a ni. Spain international hian ball 67 a pass a, vawi 96 ball khawih bawkin khelmual chhungah a aia ball khawih hnem an awm lo. Spanish winger hian goal khat a khung bakah a ṭhiante thun tur vawi khat a siamsak bawk.
Pellegrini thukhawchang
Manchester City manager Manuel Pellegrini chuan, "Awlsam taka chakah ka inngai lo a, ka nauten an thawhrim rah an seng a ni. First half-ah goal hnih kan khung avangin hmun awl kan ngah phah lehzual a, Palace chhetsual chhawr ṭangkaiin goal hnih hlu tak kan khung leh a ni," tiin goal li khung mah se awlsam taka chak an nih loh thu a sawi.
Foxes chelhtu Villa
Inrinni zan Premier League inkhel dangah Leicester City chuan khualmualah Aston Villa an lenchilh a, goal khat ve ve khungin team pahnih hi an inhnehtawk.
Leicester tan Shinji Okazaki-a'n goal hmahruai a khung a, Foxes-in penalty sawisel hlawh hmangin hun ṭha neih chhunzawm mah se Riyad Mahrez-a'n goal-ah a chantir thei lo.
Foxes-in an penalty chhawr
ṭangkai loh an tuar a, Villa striker Rudy Gestede-a'n second half-ah goal khat khungin team pahnih hi point khat ve ve a an lungawi a
ṭul ta a ni.
Harhthar Villa?
Kar hmasa khan Aston Villa-in manager Remi Garde hnuaia league match-a an chak hmasa ber an hmu a, tun season-a che ṭha tak Leicester an inhnehtawkpui leh ta.
Villa player-te an thawkrim a, ball chan tumin an tlan tam a, khelmual chhunga hmuhnawm zawk chu Leicester niloin Aston Villa an ni. Mahse, an defending erawh beisei a la phak lo chhunzawm zel.
Khawnge Vardy leh Mahrez?
Tun season Premier League-a Leicester chet ṭhat chhan chu Jamie Vardy leh Mahrez-te an ni. Player pahnihin tun season league match-a goal an khung zat belhkhawm hi 28 a ni a, ṭhiante thun tur an siamsak zat hi vawi sawm lai a ni.
Mahsde, Villa Park-a inkhelah player pahnih an hmuhnawm tawk lo. Okazaki goal khung theihna turin Vardy che ṭha hle mah se goal an khung hnuah hmuh tur a awm tawh meuh lo a, hun pek belhah a chance neih ṭha tak chu a khawhral bawk.
Mahrez-a'n penalty a pet goal loh hi match hnih chhung a zawna penalty a pet goal lohna a ni ta a, Foxes-in an chet ṭhat an chhunzawm dawn chuan player pahnih hian ngai an awh leh vat a ngai ang.
Ranieri thukhawchang
Leicester manager Claudio Ranieri chuan, "Point hnih uiawm tak kan hloh a ni. Inkhel bul kan ṭan ṭha em em a, mah se penalty kan hlah hnuah khan Aston Villa kha an khel ṭha sawt a ni. Penalty kha khung ila chu inkhel hmelhmang a danglam ngei ang," tiin Mahrez-a'n penalty a pet goal lo chu pawi a ti hle.
Inrinni zan Premier League inkhelah Manchester City chuan 4-0 in Crystal Palace an sawp a, table chung lam an hnaih zel. City tan Sergio Aguero a ropui a, Argentine striker hian goal hnih a khung bakah a ṭhiante thun tur vawi khat a siamsak.
Manchester City tan Aguero bakah Fabian Delph leh David Silva-te chuan goal khat ve ve an khung bawk a, mikhual team Palace-in goal khungna hun ṭha nei ve mah se an chhawr ṭangkai thei lo.
Palace defender Damien Delaney chuan inkhel ṭan
aṭanga minute hnihna lekah goal khungna hun ṭha nei mah se City keeper Joe Hart tan hna hautak a siamsak lo a, Yohan Cabaye-a'n a hun ṭha neih a khawhral bawk.
Goal manto chu
Manuel Pellegrini-a enkawl City hian Palace an hmachhawn hma league match hnuhnung berah Everton lakah goal a khung thei lo a, a league match hnuhnung pangaa goal khat chiah khung Aguero chet ṭhat loh lai a ni bawk nen Palace laka City dinhmun tur sawithiam a harsa hle.
Mahse, inkhel ṭan tir aṭangin goal hnih khungtu Aguero a hmuhnawm a, a goal hnihna khung tura David Silva, Yaya Toure leh Kevin de Bruyne-te nena an ball inpe kual a hmuhnawm hle.
Aguero goal hnihnaa player inrawlh player pali man belhkhawm hi pound maktaduai 141 a ni a, an goal thumna hi a pawisa ang zawnga chhut chuan a man a tam hle!
Argentine striker Aguero chet ṭhat piah lamah City tana lawmna tur chu inhliam dam kawr David Silva-a'n ngai a awh leh ta bawk hi a ni. Spain international hian ball 67 a pass a, vawi 96 ball khawih bawkin khelmual chhungah a aia ball khawih hnem an awm lo. Spanish winger hian goal khat a khung bakah a ṭhiante thun tur vawi khat a siamsak bawk.
Pellegrini thukhawchang
Manchester City manager Manuel Pellegrini chuan, "Awlsam taka chakah ka inngai lo a, ka nauten an thawhrim rah an seng a ni. First half-ah goal hnih kan khung avangin hmun awl kan ngah phah lehzual a, Palace chhetsual chhawr ṭangkaiin goal hnih hlu tak kan khung leh a ni," tiin goal li khung mah se awlsam taka chak an nih loh thu a sawi.
Foxes chelhtu Villa
Inrinni zan Premier League inkhel dangah Leicester City chuan khualmualah Aston Villa an lenchilh a, goal khat ve ve khungin team pahnih hi an inhnehtawk.
Leicester tan Shinji Okazaki-a'n goal hmahruai a khung a, Foxes-in penalty sawisel hlawh hmangin hun ṭha neih chhunzawm mah se Riyad Mahrez-a'n goal-ah a chantir thei lo.
Foxes-in an penalty chhawr
ṭangkai loh an tuar a, Villa striker Rudy Gestede-a'n second half-ah goal khat khungin team pahnih hi point khat ve ve a an lungawi a
ṭul ta a ni.
Harhthar Villa?
Kar hmasa khan Aston Villa-in manager Remi Garde hnuaia league match-a an chak hmasa ber an hmu a, tun season-a che ṭha tak Leicester an inhnehtawkpui leh ta.
Villa player-te an thawkrim a, ball chan tumin an tlan tam a, khelmual chhunga hmuhnawm zawk chu Leicester niloin Aston Villa an ni. Mahse, an defending erawh beisei a la phak lo chhunzawm zel.
Khawnge Vardy leh Mahrez?
Tun season Premier League-a Leicester chet ṭhat chhan chu Jamie Vardy leh Mahrez-te an ni. Player pahnihin tun season league match-a goal an khung zat belhkhawm hi 28 a ni a, ṭhiante thun tur an siamsak zat hi vawi sawm lai a ni.
Mahsde, Villa Park-a inkhelah player pahnih an hmuhnawm tawk lo. Okazaki goal khung theihna turin Vardy che ṭha hle mah se goal an khung hnuah hmuh tur a awm tawh meuh lo a, hun pek belhah a chance neih ṭha tak chu a khawhral bawk.
Mahrez-a'n penalty a pet goal loh hi match hnih chhung a zawna penalty a pet goal lohna a ni ta a, Foxes-in an chet ṭhat an chhunzawm dawn chuan player pahnih hian ngai an awh leh vat a ngai ang.
Ranieri thukhawchang
Leicester manager Claudio Ranieri chuan, "Point hnih uiawm tak kan hloh a ni. Inkhel bul kan ṭan ṭha em em a, mah se penalty kan hlah hnuah khan Aston Villa kha an khel ṭha sawt a ni. Penalty kha khung ila chu inkhel hmelhmang a danglam ngei ang," tiin Mahrez-a'n penalty a pet goal lo chu pawi a ti hle.