Ronaldo-a'n MLS sawi ri

Real Madrid star Cristiano Ronaldo chuan engtik hunah emawh chuan MLS lama a la kal thut mai theih thu a sawi.

Ronaldo hian San­tiago Bernabeu-ah kum 2018 June thla thleng cham turin contract a nei mek a, mahse tun hnaiah Paris Saint-Germain leh Manchester United nen sawi zawm a ni.

Portugal captain agent Jorge Mendes chuan Ronaldo hian Real Madrid-ah a hun pum hman a duh thu sawi mah se, Ballon d'Or chawimawina vawi thum dawng tawhtu hian MLS hmasawnna a hmuh hmaih lo thung.

Kum 30-a upa Ronal­do chuan, "Engtik hunah emaw chuan US-a inkhelh hi ka tan a ṭha mai thei. A hun leh ni erawh sawi theih a ni lo a, an hmasawn dan khu ngaihven tham a tling tawh a ni," tiin US lamin a lung a len hmel hle.