Sydney-ah Mirza leh Hingis an champion

18th January, 2016

Hmeichhe double world number 1 Sania Mirza leh Martina Hingis te ṭangdun chuan WTA title dang an lak belh leh ta. Zirtawpni zan khan Caroline Garcia leh Kristina Mladenovic te ṭang dun chu 6-1, 5-2 a hnehin International Sydney Tennis Tournament-ah an champion.

Indo-Swiss duo hian a zawnin WTA double title pasarih an la tawh a, match 30 chhung zet hneh loh nei loa kaltluangin world record an lo siam tawh bawk.

Anni pahnih ṭang dun hi nikum khan Grand Slam pahnih Wimbledon leh US Open-ah an champion a, vawiin aṭanga khelh
ṭan tur Australian Open-ah pawh seeded pakhatna an ni leh ang.