Australian Open atan Djokovic a inpeih

World number 1 Novak Djokovic chuan vawiina khelh ṭan tur Australian Open atan a inpeih thu a sawi.

Djokovic hian a match hmasa ber chu chawhma dar 9:30 hian a khel dawn a, Rod Laver Court-ah Hyeon Chung nen an inhmachhawn ang.

Australian Open khelhna tur Melbourne Park hi 37 Celsius (98.6 Fahrenheit) vela lum ni tura ngaih a ni a, hetiang khawlum hnuaiah hian player tam tak an lo buai tawh ṭhin.

Kum 28-a upa Djokovic chuan, "A nihna takah chuan khawlum lutuk hnuaia inkhelh hi chu a harsa kan ni tlangpui. Mahse, kumtluanin kan inkhel a, hun harsa leh khirhkhan taka inkhel tur pawhin kan inpuahchah a ṭul. Melbourne-ah pawh hian khua a lum leh dawn tih a chiang, mahse engtiang boruak pawh awm se inkhel turin ka inpeih," tiin a inpeih tawh thu a sawi.