Serie A Dan theih loh Juventus

Serie A champion Juventus-in an nomawi humhim tumin chak takin hmalam an pan zel a, Udinese chu 4-0 a sawpin league-ah a zawnin match 10 chhung hnehna an chang tawh. League hmahruaitu Napoli nen an inthlauhna chu point hnih chiah a ni rih.

Pathianni zan inkhel-ah Juve tan Paulo Dybala chuan goal hnih a khung bakah Sami Khedira goal khung tur a siamsak bawk a, Alex Sandro chuan minute 42-naah an goal lina khungin hun chanve a zawh chuan chak tur a chiang tawh. Second half-ah erawh goal a lut lo thung. Udinese pla-yer Danilo chu Mario Man-dzukic a tih tluk vangin hnawhchhuah a ni.

Milan an chak

AC Milan coach Si-nisa Mihajlovic dinhmun a derthawng nia sawi a ni a, mahse khelmual chhungah result ṭha a hlawh chhuak thung. Pathianni zan khan an mikhual Fio-rentina chu Carlos Bacca leh Kevin-Prince Boateng te goal khung hmangin 2-0 in an hneh a ni.

Milan tan hian striker Mario Balotelli chu hun tawp dawn minute thum chauh awm tawhah a rawn inlan. Liverpool
aṭanga loan-a Serie A club zawmtu Balotelli hi nikum September thlaa a ṭhâl na an zai hnua a inkhelh lehna hmasa ber a ni.

Milan hian point 32 an hlawh chhuak tawh a, season thara Champions League khelh la beisei ve zelin table-a palina Fiorentina chu point rukin an phak lo mek.

Inkhel dangah table-a pangana Roma leh a mawngphah a awm Ve-rona chu 1-1 in an inhnehtawk bawk.