Swansea-in coach thar nei hnai

Premier League table mawng lama talbuai mek Swansea chuan an manager thar turin Udinese manager hlui Francesco Guidolin an la lut dawn. Italian manager hi Welsh club manager lailawk nen season tawp thleng an thawk dun dawn nia sawi a ni.

Kum 60-a upa Gui-dolin hi coaching lamah a mikhual lo hle a, Udinese bakah Italian club Palermo leh Parma-te a lo enkawl tawh a, Ligue 1 lamah AS Monaco a lo kaihruai tawh bawk.

Swansea hian De-cember 9 khan an manager Gary Monk chu an ban a, a aiawh lailawk tur hian assistant-manager Alan Curtis ruat a ni. January 7 khan Welsh club hian season tawp thleng Curtis chuan manager hna a thawh tur thu an puang.

Mahse, Swansea hian anmahni ang thoa table mawngphah lama talbuai mek Sunderland chu kar hmasa league match-ah 4-2 in an hneh lo a, kum 61-a upa Curtis hian club chuan manager thar tur an hmu thei a nih phawt chuan a hna chelh lai chu chawlhsan pawi a tih loh thu a lo sawi tawh a ni.