I League ticket man a pung

Nimin khan Aizawl FC thuneitute chuan DSK Shivajians leh Sporting Club de Goa an mikhual huna an ticket awm dan tur an tichiang a, an match hmasa bera an ticket siam dan nen a danglam nasa hle.

Bengaluru leh Aizawl FC inkhelh ṭuma gallery chunglam ṭhutna Rs 200 man chu Rs 500 man leh Rs 300 man a thlak a ni a, media box zawn thla halfway line zawn chu Rs 200 man a ni.

Gallery hnuai lam chu Rs 200, Rs 500 leh Rs 2000 mana ṭhen sawm a ni. Rs 2000 man ticket hian refreshment leh Aizawl FC jersey a keng tel ang.

Aizawl FC hian Zirtawpni tlai dar 1:00-ah DSK Shivajians an hmachhawn dawn a, Thawhṭanniah Sporting Club de Goa an mikhual leh nghal ang. I League match hnih dang Mualpuiah khelh thuai ni dawn mah se ticket zawrhchhuah dan tur tihchian a la ni lo.