PBL champion Delhi Acers

Pathianni zan khan Premier Badminton League chu Delhi-ah final khelh a ni a, Delhi Acers chuan 4-3 a Mumbai Rockets hnehin an champion.

Siri Fort Sports Com-plex-a inkhelah Delhi Acers hian Men’s single match hnih bakah Mixed double-ah hnehna an chang a, Mumbai lam hian Mixed double match pakhat zawk bakah Women’s single-ah hnehna an chang ve thung.

2016 Premier Bad-minton League-ah hian team paruk Delhi Acers, Awadhe Warriors, Chen-nai Smashers, Mumbai Rockets, Hyderabad Hunters leh Bengaluru Topguns te an awm. Club tin te hi league round-ah an inkhel kual vek a, a sang paliin semifinal an lut.

Champion Delhi Acers hi league round lamah pawh a che ṭha ber an ni a, point 20 hmuin hmahruaitu an ni.

PBL ah hian lawmman a tan dollar maktaduai khat (Rs 67,689,450) sem ral a nih vangin khawvela Badminton inelnaah chuan sum che vel tamna ber pawl a ni.