Vidic-a'n Inter a chhuahsan

Nemanja Vidic chuan a club khelh mekna Inter Milan nen in be remin a contract neih lai an ti tawp. Manchester United captain hlui Vidic hian tun season-ah Italian club tan a la inlan lo.

Kum 34-a upa Vidic hian kum 2014 khan United aṭangin Italian club hi free transfer-in a zawm a, season hmasa khan a club tan hian vawi 28 a inlan.

Serbian defender Vidic chuan, "Neraz-zurro chhungkua leh fan-te chungah ka lawm em em a, Inter hi a kal leh zelna turah duhsakna ka hlan e," a ti.

Vidic hian Old Traf-ford-ah kum riat a cham chhungin hming a chher a, English defender Rio Ferdinand nen inkawpin khawvel defender in-kawp fuh zinga chhiar tel an ni. Red Devils tan Serbian defender hian Premier League nomawi pali bakah Champions League nomawi a chawi a, amaherawhchu English club tana a chetṭhatna hi Italian club-ah a chhun-zawm thei lo.