Spurs fan aiin Stoke fan-ten min haw zawk - Wenger

Arsene Wenger chuan North London club Tottenham fan-te ai chuan Stoke City fan-ten amah an haw zawka a hriat thu a sawi.

Kum 2010 khan Ryan Shawcross chuan Arsenal midfielder Aaron Ramsey chu na takin a lo hliam tawh a, Wenger chuan Stoke defender Shawcross leh a din pui Robert Huth te chet dan chu 'rugby player ang mai' tiin a lo sawi tawh.

Pathianni zan khan Arsenal leh Stoke te hi league-ah inhma-chhawnin goal awm loin an inhneh-tawk a, mak ang reng takin hemi
ṭum hian card phawrh a ni lo.

Arsenal manager Wenger chuan, "Stoke fan-te hi ka sawisel awm pawh ka hre hran lo a, hetiang em em a min ngaina lo mai hi chu an mahni chauhin a chhan an hria a. Tun dinhmunah chuan Tottenham fan-te ai pawn min haw zawk. Amaherawhchu, hetiang boruak vel vang hian ka buai phah lo a, ka mut a tui loh phah lo bawk. Inkhelhnaa kan chak loh chauhin hreawm ka ti ṭhin," a ti.

Tun dinhmunah Gunners hian point 44 hmuin Premier League hmahruaitu an ni mek.