Messi a hliam na lo

Lionel Messi chu kartawp La Liga inkhela Barcelona-in 6-0 a Athletic Bilbao an sawp ṭumin half time-ah a inhliam hlauh vangin lakchhuah a ni.

Argentina captain hi tun season tir khan khup na vangin thla hnih chhung a lo inkhel thei lo tawh a, Bilbao lakah hian goal hmahruai khung mah se a malpui a nat hlauhthawn thuah thlak a ni.

Barcelona chuan thuchhuah siamin, "Thawhṭanni khan Lionel Messi hriselna dinhmun endik a ni a, ngaih ṭhat lohna tur a awm lo. Kan hlauhthawn lai ber chu a malpui a ni a, a hliam na lo," an ti.

Zanin dar 1:30 hian Barcelona leh Athletic Bilbao te hi an inhmachhawn leh dawn a, tun ṭum hi chu Copa del Rey quarter final first leg a ni thung ang. He hunah hian Messi a inlan theih ngei beisei a ni.