Yamaha-ah Rossi a rinawm

Valentino Rossi chuan Yamaha bike khalh chung ngeia Moto GP inelna chawlhsan a duh thu a sawi.

Kum 36-a upa Rossi hi season hmasa khan world champion ni mai turin lang hman tawh mah se season tawp lamah a chet fuh loh deuh avangin a teammate Jorge Lorenzo-a'n champion title a chawi thung.

Italian rider Rossi chuan, "Kuminah ka la intlansiak leh dawn a, kum dang zel erawh ka sawi lawk thei lo. Chutihrualin ka sawi lawk duh chu Yamaha bike khalh chung ngeiin MotoGP chawlhsan ka duh," a ti.

Yamaha rider Rossi chuan sawi chhun-zawm-in, "Tun hnai kum hnih chhungin ṭha takin ka intlansiak thei tih ka lan-tir tawh a, season tharah pawh hian title la thei tur zingah tel leh ngei ka in beisei," a ti.

Kumin Moto GP sea-son chu March 20 hian tlan ṭan a ni dawn a, Qatar's Losail International Cir-cuit-ah tlan tur niin zana tlan tur a ni ang.