Watford striker thar Nordin Amrabat

Premier League club Watford chuan Spanish club Malaga
aṭangin striker thar Nordin Amrabat an la lut. Kum 28-a upa striker hian Gala-tasaray aṭanga season hnih chhung loan-a Malaga a zawm hnuah tun season ṭan dawn khan Spanish club hi a nghetin a zawm.

Morocco striker hi Nether-lands-a piang niin U21 tan a inlan hman a, senior team-ah erawh Morocco tan vawi 23 a inlan tawh thung. Amrabat-a man zat hi puanzar ni lo mah se pound maktaduai 6 bawr vel nia ngaih a ni.

Watford manager Quique Sanchez Flores chuan, "Kan duh ang quality a nei a, number 10 position-ah pawh khel thei a ni. Ball keng thei tak leh che rang tak, tharum ngah tak a ni," tiin a striker thar chu a fak.