Pennant-a'n Singapore club a zawm

20th January, 2016

Arsenal leh Liverpool winger hlui Jermaine Pennant chuan Singapore club Tampines Rovers chu season khat chhung cham turin a zawm.

Kum 33-a upa winger hlawh zat tur hi tarlan ni lo mah se khawthlang media ṭhenkhat chuan Singapore League club-ah hian thla khatah £19,500 (Rs.18,88,263.42) a hlawh dawn a, S League chanchina player hlawh hnem ber a ni ang.

Stoke City, Bir-mingham, Wolves, Real Zaragoza leh FC Pune City tana lo khel tawh Pennant chuan, "League awlsam taka khel tur angah ka inngai lo a, ka career-a bung thar duhawm tak ka kaina zawk a ni," tiin Singapore League-ah a tih mai mai loh tur thu a sawi.