Santosh Trophy Qualifier-ah Mizoram Vs Manipur Rematch

Mizoramin Santosh Trophy 2016-a North East aiawh tur zawnna a thleng leh dawn, inelna hi February 17-22 chhung hian Lammualah neih a ni ang.

Mizoram awmna group a fuh lo a, Manipur leh Arunachal Pradesh te nen Group A-ah an awm. Group B-ah Assam, Meghalaya, Tripura leh Nagaland te an awm thung a, group pahnih aṭang hian a sang pahnihin final round an lut ang.

2014 Thlirletna

Santosh Trophy quali-fier-ah khan Mizoram leh Manipur te group khatah an awm a, team ṭha fal pahnih hian Nagaland leh Arunachal Pradesh te an sawp ve ve hnuah group match hnuhnung berah an intawng.

Hemi ṭum pawh hian team pakhat chauhin final round luh tur a nih avangin goal khung tlem zawk Mizoram tan chak ngei ngei a ngai. January 31, 2014 tlai dar 4:00-ah Mizoram leh Manipur te an inkhel a, Lammual khat vekin mipui an pungkhawm.

Inkhel hmuhnawm takah Mizoramin hnehna an chang hram a, goal pawimawh hi minute 82-naa R. Laldanmawia thun niin hun pek belhah captain Zico Zoremsanga'n chak nemnghehna goal a khung.

Mizoramin hmar-chhak state-a an elpui ber Manipur an hneh hnuah final round an lut a, an champion zui dan leh Lammuala champion team hmuah dan chu local football ngainatute tan theihngilh theih a ni lo.

Nikum lamah Mizo-ramin final round lut leh mah se semifinal-ah inelna thlengtu Punjab hneh loin an tla. Kuminah Mizoramin Santosh Trophy qualifier a thleng dawn a, Mizoram leh Manipur inkhel tur chu a hmuhnawm ber ang.