Hloh kha hlepah kan chhiar - Allegri

Juventus manager Mas--similiano Allegri chuan season tir lama an chet chhiatna chu insiam ṭhat phah nana an hman thu leh an hlawkpui thu a sawi.

Turin club hian ni-kum October thla khan Sassuolo chu 2-1 in an hneh lo a, league table-ah 12-na niin pakhatna chu point 11 zetin an phak lo.

Amaherawhchu, Juve hi an chetfuh lona ata an tal chhuak a, tun hnaiah a zawnin Serie A match 10 chhung hnehna an chang tawh. Kartawp khan Udinese chu 4-0 a sawpin table-ah pahnihna dinhmun an luah leh tawh a, a zawna league title vawi nga la turin beiseina an nei lian leh tawh hle.

Kum 48-a upa Allegri chuan season tir thlir kirin, "Season tirah khan Claudio Marchisio leh Sami Khedira bakah Mario Mandzukic te kha hliam vangin an inkhel thei lo. Holam angreng tak takin point kan hloh ṭhin bawk. Mahse, tunah erawh chuan hma lam kan pan leh tawh a, kawng dik kan zawh mek a ni," a ti.

Juve hian nikum khan Champions League final lutin Barcelona lakah an tlawm a, kuminah pawh last 16 in pet kai leh tawhin German cham-pion Bayern Munich an hmachhawn ang.