Inrinniah Tour de Hmuifang

Mizoram infiamna huamchhunga inelna hautak berte zinga mi, kawng thui zawha thirsakawr intlansiak Tour de Hmuifang vawi 3-na chu September 23, Inrinni hian Aizawl aṭanga Hmuifang tlang thleng tlan a ni dawn.

Inelna hi Tourism Department leh Mizoram Cycling Association (MiCA) ṭangkawpin an buatsaih a ni a, category panga a awm dawn. Category hi Junior, Elite, Master leh Road (Open) category bakah a vawi khat nan hmeichhe inelna buatsaih a ni dawn bawk.

Tour de Hmuifang a tel tur hian thirsakawr khalh mi 63-in hming an pe tawh. Inrinni zing dar 6:45-ah sports minister Robert Romawia Royte chuan Tour de Hmuifang intlansiaka tel tur hi Aizawl Vanapa Hall kawt aṭangin a vai liam ang a, chawhnu lam dar 2:00-ah Hmuifang tlangah a kharna hun buatsaih a ni ang.

Mizoram Cycling Association chuan Tour de Hmuifang-ah hian Aizawl Municipal Corporation, PM-JAY (Pradhan Mantri Jan Arogya Yojona) leh Ministry of Tourism, GOI, North Eastern Reasonal Office, Guwahati te a thawhpui dawn bawk a ni.