Conference League-ah Villa

Season liam ta khan UEFA Conference League-ah English club West Ham United an champion a, kumina Premier League club aiawh chu Aston Villa an ni. Villa hi group E-ah AZ Alkmaar, Legia Warsaw leh Zrinjski te nen an awm ho a, zanin dar 10:15 hian Legia Warsaw an tlawh ang.

Legia Warsaw leh Villa hi an vawi khat inhmachhawnna tur a ni a, Unai Emery kaihhruai Villa hi buk rit zawka ngaih ni mah se result danglam a thleng fo. Europa League-ah 2021-22 season khan Legia hian an mualah Leicester City hi an hneh.

Aston Villa hi Crystal Palace hneh zo hlim an ni a, chutihrualin kartawpah Chelsea an hmachhawn lehnghal dawn. Unai Emery hote hi eng ang chiaha ṭha nge tih chu Polish club lakah fiahin an awm ang.