Khawiah nge ISL en tur?

ISL hi a ṭantir aṭangin Star Sports-ah pekchhuah ṭhin a ni. Mahse, season hmasa tawp rual khan Disney Star leh ISL enkawltu Football Sports Development Limited (FSDL) thawh dunna chu a tawp a, tun season aṭang chuan Viacom18 chu ISL pe chhuak tur an ni tawh ang.

Viacom18 hian season hnih chhung atan FSDL hi inremna an neihpui a, kum hnih chhung atana broadcasting rights nei tur hian FSDL hnenah vaibelchhe 550 an pe niin an sawi - kum khat dang pawhsei theih tura tih a ni.

ISL hi Sports18 1 SD & HD leh VH1 SD & HD-ah te english commentary-in pekchhuah a ni dawn a, Viacom18 channel dangah te Hindi, Malayalam leh Bengali commentary nen pekchhuah a ni dawn bawk a ni.

Online-a inkhel en duh tan JioCinema-ah a free-in a en theih dawn a, tun season aṭanga ISL nena thawk dun tur OneFootball chuan ram 190 chuanga en theih turin app leh website kaltlangin a pe chhuak bawk ang.