Europa khel tur Reds leh Brighton

Europa League chu zanin aṭangin khelh ṭan a ni dawn a, Premier League aṭangin Liverpool, West Ham leh Brighton & Hove Albion ten an khel dawn. Hammers hi season liam ta Coneference League champion an ni a, Serbia club Backa Topola an mikhual ang.

Jurgen Klopp-a kaihhruai Reds hian zanin dar 10:15 hian LASK chu an mual Raiffeisen Arena-ah an hmachhawn ang. Liverpool leh Europe inelna sawi kawp hi a inhmeh ṭhin a, kuminah erawh Champions League hnuai chiah Europa League an khelh dawn avangin an inkawp rem lo deuh.

Inrinni liam taa Manchester United sawptu Brighton & Hove Albion-in zanin dar 12:30 hian Amex Stadium-ah AEK Athens an mikhual dawn. Roberto de Zerbi-a'n Premier League-ah game hmuhnawm a chhawp chhuak ṭhin a, Europe inelnaah chhunzawm a tum dawn a ni.