Serena Williams-in hmaituamna mtd 4 chuang a sem

Tennis star Serena Williams chuan US-a school naupangte chu Covid-19 hri leng laka an him theih nan tiin, zirna school hrang hrangah hmaituamna maktaduai 4.25 a pe.

He a hmalakna atan hian Serena hian Bella + Canvas, National School Board Association leh Scholastic-te chu a thawhpui a ni. Anni nena ṭangkhawp hian US-a school 1,15,000-te hnenah Serena chuan hmaituamna hi a pe ta a ni. 

Serena chuan zirlai naupangte chu sorkar lamin school kal tir a tum vangin school an kal huna hri laka an fihlim theih nan heng hmaituamna ṭha hnem tak hi pek an nih thu sawiin, zirlai naupang mtd 54 chuangte'n he hmaituamna hi an chhawr ṭangkai a beisei thu a sawi bawk.