City chhuahsan tumna nei lo Bony

Ivory Coast striker Wilfried Bony chuan tun hnaia Manchester City chhuahsan tum anga an sawina chu dawt a nih thu sawiin Etihad Stadium-ah a hlim thu a sawi.

Kum 27-a upa striker hi December 21-a Arsenal nen an inhmachhawn
ṭum-in bench-ah dah a ni a, Ivorian striker hian ma-nager Manuel Pel-legrini chu khelmual chhunga a luhtir loh chhan a zawt nia sawi a ni.

Mahse, a club hlui Swansea lama kir leh tur anga an sawi Bony chuan, "He club-ah hian ka hlim em em a, ka chungchang thu lengvel hi dawt vek a ni tih ka sawi duh a ni. City-ah contract ka la neih mek avangin ka hlim em em a, United Kingdom-a club ṭha ber pawlah ka khel mek a ni," tiin City-ah a lungawi thu a sawi.

January 2015-a pound maktaduai 28-a City zawmtu striker chuan, "Man-chester City ka zawm avang hian in-chhirna ka la nei lo. Champions League-ah inlanin khawvela club lian zinga mi ka ni a, he hmunah hian ka hlimin nuam ka ti em em a ni," a ti.

Bony hian City tan match 23 a inlanah goal riat a khung tawh a, Etihad Stadium-ah hian kum thum leh a chanve cham turin contract a la nei a ni.