Naismith-a'n Norwich a zawm

Everton attacking midfielder Steven Naismith chuan Norwich City-ah kum thum leh a chanve cham turin con-tract a ziak a, a man zat atana Canaries (Norwich sawina) insen zat hi pound maktaduai 8.5 a ni.

January transfer-ah Norwich hian player thar an la lut nual tawh a, Naismith hi an player lakluh pangana a ni. Everton tan vawi 123 a inlana goal 25 khungtu midfielder chuan, "Norwich-a contract ka ziak thei thei ta hi ka lawm hle, tunah chuan football lamah ka rilru ka pe leh thei ta," a ti.

August thla khan Norwich hian Naismith hi pound maktaduai 7-in lakluh an lo tum tawh a, mah se Everton hian an midfielder hi an chhuah phal lo. Heti chung hian tun season-ah Scottish midfielder hi Everton-ah hmun a chang tlem hle a, Premier League-ah vawi li chiah inkhel bul
ṭanin December 28 hnuah khelmual chhungah a hmel a la lan leh lo.

Scotland tana vawi 44 inlan thei Naismith chuan, "Norwich hian kalphung diktakin min dawr a, an team-a khel tura min duhzia a takin an lantir a, chu chu ka tan a ropui em em a ni," tiin league table-a 16-na ni mek Norwich a zawm thei chu a lawm hle.