Chelsea neitu Abramovich kaptu AVB

Chelsea manager hlui An-dre Villas-Boas chuan Blues neitupa Roman Abramovich-a'n Portuguese manager Jose Mourinho a ban chu a tih awm reng a nih thu sawiin Russian sumdawng hausa chuan manager a neih apiang a ban zel niin a sawi.

Kum 2011-a Chelsea manager dinhmun lo luah tawhtu AVB chuan, "A hnuaia manager thawk apiang a ban hi a makin a awihawm loh hial zawk a ni. Roman hian coach a hrawn tawh zawng zawng a la ban vek a, khawvela coach
ṭha ber pawh a ban tho a ni," a ti.

Russian club Zenit enkawltu Villas-Boas chuan sawi chhun-zawmin, "Ka chunga a tih ang bawkin Rafa Benitez chungah te, Carlo Ancelotti chungahte pawh a ti vek a, Jose meuh pawh a zuah chuang lo," tiin Chelsea neitupa chu manager ban hri vei laklawhah a puh.