Grosskreutz chungah Low a lawm lo

Germany coach Joachim Low chuan Stuttgart midfielder Kevin Grosskreutz chu Euro 2016 squad-a tel turin a inkhelh tam tawk loh thu a sawi.

Kum 27-a upa Grosskreutz hian ni-kum September khan Borussia Dort-mund aṭangin Galatasaray a zawm a, amaherawhchu Super Lig transfer hun tawp hmaa registration a tih fel hman loh avangin Turkish champion tan a inlan thei lo.

Germany boss Low chuan, "Gross-kreutz hian hun rei tak a khelh loh avang-in Germany-ah a tan hmun a awm rih lo. Istanbul-a ka kal ṭumin Galatasaray coach ka bia a, ani chuan kartawp apiangin Zirtawp aṭanga Pathianni thleng cham turin a haw ṭhin thu min hrilh. Team zinga mi a nih chuan a khawsak dan hi a dik lo. Player ṭha tak ni mah se a career hman dan hi a pro-fessional lo a ni," tiin Dortmund mid-fielder hlui khawsak danah a lawm lo hle.

2014 FIFA World Cup champion Germany squad-ah Grosskreutz hi a tel mah se Brazil-ah khelhna hun pek a ni lo. Kumin January khan Bundesliga club Stuttgart a zawm a, Germany tana khelh leh a tum a nih chuan Grosskreutz hian season hmabak hi club thar tan hian ṭha ther ang bera a khelh a ṭul tawh ang.