Marchena a chawl ta

FIFA World Cup, European Championship bakah La Liga title pahnih leh UEFA Cup champion team-a tel tawh centre back Carlos Marchena chuan inkhelh a chawlhsan ta.

Kum 36-a upa Mar-chena chuan, "Football player ka nih anga ka hun chu a lo zo ve ta reng mai. Infiamna hian zirlai tam tak min zirtir a, ṭhian ṭha min pek bakah zinkawng hlimawm tak min hman tir a ni. Ram leh club tan ka theihna lo hman ve tawh zawmng zawngte a thlawnin a luang ral lo tih ka hria a, tunah chuan chona thar hmachhawn tura ka inbuatsaih a hun," a ti.

Spain international hlui Marchena hian an ram tan match 69 khelin goal hnih a khung a, khawvel huap lar pha Sevilla, Va-lencia, Villareal, Benfica leh Deportivo La Coruna te tana a khelh hnuin Spanish defender hian ISL club Kerala Blasters-ah a hun tawp a hmang.