Porto coach thar Jose Peseiro

FC Porto chuan an manager Julen Lopetegui an ban aṭanga ni 10 a liam hnuah a hmun ruak luah turin Thawhlehni khan Jose Peseiro an la lut.

Egyptian club Al Ahly manager hlui Pe-sei-ro hian thla 18 daih contract a ziak a, tun hnai season 12 chhunga Porto manager pakuana a ni.

Kum 55-a upa Peseiro hian Greece, Romania, Saudi Arabia, United Arab Emirates leh Egypt-ah te team enkawl hna a lo thawk tawh a, kum 2003-04 khan Real Ma-drid assistant coach hna a lo chelh tawh bawk.

Porto hian kuminah Champions League group stage an patlang zo lo a, Portuguese league-ah an elpui Sporting leh Benfica tluk loin pa-thumnaah an awm mek.