India an chak thei lo

Australia-ah India-in chak hmel an hmu thei lo. Nimin khan Manuka Oval, Canberra-a inkhel-ah Australia chuan India hi run 25-in an hneh a, ODI series match nga an khelh tura match li an khelhna niin Australia an la chak vek a, 4-0 in series-ah hma an hruai mek.

Mualneitu Australia-in over 50-ah run 348 vaw chhuakin mi pariat an hloh a, run 107 vaw chhuaktu Aaron Finch leh run 93 siamtu David Warner-te an khel ṭha hle.

India tan Virat Kohli chuan run 106 vaw chhuakin ODI match 162-ah cnetury 25 a vuak chhuahna a ni a, century 25 vaw chhuak tura match mamawh tlem ber a ni. India tan ball 113 a hmachhawna run 16 vaw chhuaktu Shikhar Dhawan pawh a che ṭha hle. Mahse, India-in over 49.2-ah run 323 vaw chhuakin an out vek a, an chak zo ta lo a ni.