Hliam vang bawkin Bale a buai

Real Madrid forward Gareth Bale chu tun sea-son-a a vawi thum nan a chawn hliam vang bawkin a buai leh ta a, a chawlh hun chhung tur hi puanzar ni lo mah se kar thum vel ni tura ngaih a ni.

Pathianni khan Real Madrid hian 5-1 in Sporting Gijon an sawp a, he inkhela goal khat khungtu Bale hi a chawnah hliam a tawrh avangin chawlhlawk hmaa lakchhuah a ni.

Real Madrid chuan thuchhuah siamin, "Gareth Bale chu a ke dinglam chawn hliam vangin a chawlh a ngai dawn a, a dam leh thuai theih nan theihtawp kan chhuah ang," a ti.

Wales international hian a chawn hliam vangin tun season-ah match riat lai chu Spanish club tan hian a khel thei lo tawh a, heti chung hian tun season-ah goal 13 lai khung tawhin heng zinga goal 11 hi a chawn hliam vawi hnihna avanga a chawlh reng hnua November-a a lo kir leh hnua a khung a ni.