Sindhu leh Srikanth An che fuh nghal

Indian shuttler pahnih PV Sindhu leh season hmasa China Open cham-pion K Srikanth-te chuan kumina an season tournament hmasa berah an che fuh nghal. Nilai zan khan Malaysia Masters Grand Prix Gold pre-quarterfinal an inhlangkai.

US dollar 120,000 (Rs 81,69,294) hu lawmman awmna Malaysia Masters Grand Prix Gold-ah hian world championship-a bronze medal vawi hnih lo dawng tawh Sindhu chuan minute 33 chhungin Switzerland shuttler Sabrina Jaquet chu 21-17, 21-16 in a hneh.

Mipa single-ah see-ded pahnihna Srikanth chuan a match hmasa berah khawtual tlangval Wei Feng Chong lakah 21-17, 21-11 in hnehna a chang a, a match hnih naah Indonesia shuttler Christie Jonatan chu 21-16, 21-15 in a hneh bawk.

Indian player Ajay Jayaram pawhin Takuma Ueda (21-19, 21-11) leh Petr Koukal (21-17, 21-17) te lakah hnehna changin pre-quarterfinal a lut.

World number 2 Saina Nehwal chu Malaysia-ah hian a inlan lo.