Manchester United hmalam hun a êng

Spanish club lian Real Ma-drid chuan kum khat chunga pawisa la lut tam ber nihna kum 11 chhung a zawnin a hauh a, thla 12 hnuah erawh Manchester United chu sum la lut tam ber tura beisei an ni.

Infiamna huang chhunga sum-dawnna lam khawihtu Deloitte chuan kum khat chhunga club-te sum lakluh dan a chhut a, an thil hmuhchhuah hi Deloitte Football Money League tih a ni.

Pawisa la lut tam club 20 sum lakluh hi kum hmasa lam aiin euro tluklehdingawn 6.6 zetin a pung a, a punna percentage hi 8% a tling pha hial. Real Madrid hian 2014-15 season chhung khan euro maktaduai 577 la lut anga chhut a ni a, an hnuai chiaha awm an hmelma Barcelona-in euro maktaduai 519.5 an la lut ve bawk.

Spanish club lian pahnih sum lakluh hi ṭha viau mah se kumina pathumna Manchester United (519.5€m) hian kum khat hnuah an khum theih beisei a ni. United sum dinhmun ṭhat chhan tur hi Premier League sum dinhmun
ṭhat chhoh zel vangte leh club-in sponsorship ṭha tak tak a hmuh zel vang a ni. Red Devils sponsor hmuh zingah Adidias nen kum sawm chhung kum khat zel atana pound maktaduai 75-a an inremna pawh a tel.