Hoffenheim tana khel tur Leicester player man to ber

Leicester City club chanchina player man to ber Andrej Kramaric chuan season tawp thleng loan-a khel turin Bundesliga club Hoffenheim a zawm.

Kum 24-a upa striker hian January, 2015 khan Leicester hi Croatian club FC Rijeka aṭangin pound maktaduai 9.7-in a zawm a, tun season-ah Foxes tan hian match nga chiah a la khel a ni.

Leicester manager Claudio Ranieri chuan, "Andrej nen hian a tana ṭha ber tur ngaihtuahin kan titi dun a, loan-a a chhuah mai hi club leh ama tan pawh a ṭha ber niin kan ngai ta a ni," a ti.

Italian manager chuan sawi chhun-zawmin, "Tun nipuiah European Cham-pionship khelh a ni dawn a, Andrej hian ram aiawha khelh phak ngei a duh bawk si avangin inkhelhna hmun a chan tam theihna tur a pan hi a ṭha a ni. Player
ṭha leh professional dik tak a ni a, mah se tun dinhmunah chuan striker khel
ṭha tak tak kan nei a ni," tiin a striker a chhuahtir chhan a sawi.